پولیس کے تربیتی مرکز میں دھماکہ، 3 افراد ہلاک

پولیس کے تربیتی مرکز میں دھماکہ، 3 افراد ہلاک

امریکی ریاست کیلیفورنیا کے لاس اینجلس میں پولیس کے تربیتی مرکز میں دھماکا ہوا ہے جس کے نیتجے میں تین افراد جاں بحق ہو گئے ہیں، یہ دھماکہ تربیتی مرکز کے انفورسمنٹ بیورو کی پارکنگ میں ہوا، امریکی حکام کے مطابق دھماکا تربیتی مرکز کے خصوصی انفورسمنٹ کی پارکنگ میں ہوا، دھماکے کی اصل وجہ ابھی تک معلوم نہیں ہو سکی۔

کاؤنٹی شیرف نے کہا ہے کہ یہ واقعہ اب تک کا سب سے بڑا جانی نقصان ہے، ہمیں آغاز سے تحقیق کرنی ہو گی کیا ہوا تھا، امریکی اٹارنی جنرل نے واقعے کو ہولناک قرار دیا ہے، متاثرہ علاقے کو سِیل کر دیا گیا ہے، وفاقی اور مقامی ایجنسیاں جائے وقوعہ پر اس وقت موجود ہیں۔