دنیا کا غریب ترین صدر موت کے دہانے پر پہنچ گیا

ہاٹ لائن نیوز : یوروگوئے کے سابق صدر خوسے جنہیں دنیا کا غریب ترین صدر کہا جاتا تھا، اس وقت موت کے دہانے پر کھڑے ہیں۔ کینسر پورے جسم میں پھیل کر جگر تک پہنچ چکا ہے۔

غیر ملکی میڈیا کے مطابق اپنے ایک حالیہ انٹرویو میں 90 سالہ سابق صدر نے کہا کہ میری زندگی کا دور ختم ہوگیا، میں اب مر رہا ہوں اور جنگجو کو آرام کا حق ہے۔

خوسے نے صدر منتخب ہونے کے بعد صدارتی محل میں رہنے سے انکار کر دیا تھا۔ جب تک وہ صدر تھے، وہ اپنی تنخواہ کا 90%خیراتی اداروں کو دیتے تھے۔ اپنی صدارت کے دوران، وہ اپنی بیوی اور ان کے پالتو کتے کے ساتھ ایک چھوٹے سے فارم ہاؤس میں رہتے تھے۔ وہ 1987 کے ماڈل ووکس ویگن کار میں اپنے گھر سے صدارتی محل جاتے تھے۔

جہاں تک ان کی بیماری کا تعلق ہے، ان کی کیموتھراپی کے 32 سیشن ہو چکے ہیں۔ انکی رسولی غائب ہو گئی تھی لیکن دو ماہ قبل کینسر واپس آیا اور جگر میں شامل ہو گیا۔