ہاٹ لائن نیوز: پنجاب کی وزیر اطلاعات عظمیٰ بخاری کا کہنا ہے کہ پرائیویٹ کالج کے معاملے میں جعلی معلومات پھیلانے والوں کے خلاف سخت کارروائی کی جائیگی۔
اپوزیشن لیڈر پنجاب اسمبلی ملک احمد خان بھچر کی پریس کانفرنس پر ردعمل دیتے ہوئے وزیر اطلاعات پنجاب عظمیٰ بخاری نے کہا کہ تحریک انصاف کے آفیشل پیج سے طلبہ کو اشتعال دلانے کی ترغیب دی گئی۔
انہوں نے کہا کہ انصاف سٹوڈنٹ ونگ کے لوگ مار پیٹ اور جلاؤ گھیراؤ میں ملوث پائے گئے ہیں جن کی ویڈیوز بھی موجود ہیں۔ عظمیٰ بخاری نے کہا کہ آپ کی جماعت نے منصوبہ بندی کے تحت لڑکی اور اسکے خاندان کی بے عزتی کی ہے۔
عظمی بخاری نے کہا کہ ایک گھٹیا مہم کےبعد طلبہ کو احتجاج کیلیے نکالاگیا، کسی کوبھی پنجاب میں امن وامان خراب کرنے یااشتعال پھیلانےکی اجازت نہیں دی جائیگی، غلط معلومات پھیلانے والوں کے خلاف بلاامتیاز کارروائی کی جائیگی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔