ہاٹ لائن نیوز : پنجاب حکومت نے منکی پاکس کے خطرات کے پیش نظر اقدامات کرتے ہوئے منکی پاکس کے علاج کے لیے پنجاب میں چھ ہسپتال مختص کیے ہیں۔
محکمہ صحت پنجاب نے مختص اسپتالوں کو خط لکھ دیا ہے جس کے مطابق لاہور آنے والے مریضوں کو جنرل اسپتال میں طبی امداد دی جائے گی، راولپنڈی کے بے نظیر بھٹو اسپتال اور فیصل آباد کے الائیڈ اسپتال کو مریضوں کے لیے مختص کیا گیا ہے۔
سیالکوٹ میں علامہ اقبال اسپتال اور ملتان میں نشتر اسپتال مختص کیے گئے ہیں، بہاولپور کے بہاول وکٹوریہ اسپتال میں اس مرض کا علاج کیا جائے گا۔
اسپتالوں کو مشتبہ مریضوں کے لیے آئسولیشن وارڈ بنانے کی ہدایت کی گئی ہے، ہر اسپتال کو منکی پاکس کے لیے فوکل پرسن مقرر کرنے کی بھی ہدایت کی گئی ہے۔
ملک کے مختلف شہروں میں منکی پاکس کے کیسز سامنے آنے کے بعد کراچی میں احتیاطی تدابیر کے طور پر منکی پاکس کے مریضوں کے لیے وارڈز قائم کیے گئے ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔