راولپنڈی: پاک فوج کے شعبہ تعلقات عامہ (آئی ایس پی آر) نے پاکستان پولیس کی خدمات اور قربانیوں کو خراجِ تحسین پیش کرنے کے لیے ایک خصوصی نغمہ جاری کیا ہے۔
خصوصی نغمے میں ملک میں امن و امان کے قیام اور عوام کے تحفظ کے لیے اپنی جانوں کا نذرانہ پیش کرنے والے پولیس اہلکاروں اور افسران کو خراجِ عقیدت پیش کیا گیا ہے، جبکہ فرائض کی ادائیگی کے دوران بہادری کا مظاہرہ کرنے والے غازیوں کو بھی سلام پیش کیا گیا ہے۔
نغمے کے ذریعے پولیس فورس کے اس کردار کو اجاگر کیا گیا ہے جو ملک میں امن، استحکام اور شہریوں کے تحفظ کے لیے انجام دیا جا رہا ہے۔
آئی ایس پی آر کے جاری کردہ اس نغمے کا پیغام پولیس اہلکاروں کی خدمات، قربانیوں اور قومی سلامتی کے لیے ان کی جدوجہد کو خراجِ تحسین پیش کرنا ہے۔
پاکستان پولیس کے شہدا کی قربانیاں اور غازیوں کی خدمات قومی تاریخ کا اہم حصہ ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔