پاکستان اسپیس اینڈ اپر ایٹموسفیئر ریسرچ کمیشن (سپارکو) نے ملک میں جدید سیٹلائٹ ٹیکنالوجی کے فروغ کی جانب اہم پیش رفت کرتے ہوئے پاکستان اسپیس بیسڈ آگمینٹیشن سسٹم (پاک ایس بی اے ایس) متعارف کرا دیا ہے۔
سپارکو کے ترجمان کے مطابق یہ نظام پاک سیٹ ایم ایم ون سیٹلائٹ کی مدد سے فعال کیا گیا ہے، جو پوزیشننگ، نیوی گیشن اور ٹائمنگ کے حوالے سے زیادہ درست اور قابل اعتماد سہولیات فراہم کرنے کی صلاحیت رکھتا ہے۔
ترجمان کا کہنا ہے کہ پاک ایس بی اے ایس کو تھل ڈیزرٹ ریلی میں بھی استعمال کیا جا رہا ہے، جہاں یہ ٹیکنالوجی گاڑیوں کی نقل و حرکت اور نیوی گیشن کو بہتر بنانے میں معاون ثابت ہو رہی ہے۔
اس نظام کی مدد سے ریلی کے دوران گاڑیوں کی پوزیشن کا تعین زیادہ درست انداز میں کیا جا سکتا ہے، جس سے مقابلے کے انتظامات، رفتار اور حفاظتی اقدامات کو بہتر بنانے میں مدد ملنے کی توقع ہے۔
اس پیش رفت کو پاکستان میں مقامی سیٹلائٹ نیوی گیشن ٹیکنالوجی کے استعمال اور خلائی تحقیق کے عملی اطلاق کی جانب ایک اہم قدم قرار دیا جا رہا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔