اسلام آباد: جمعیت علمائے اسلام (پاکستان) نے پارٹی نظم و ضبط کی خلاف ورزی پر سینیٹر احمد خان کی بنیادی رکنیت ختم کر دی۔
ترجمان کے مطابق، سینیٹر احمد خان نے سینیٹ میں 27ویں آئینی ترمیم کے حق میں ووٹ دیا، حالانکہ جماعت نے ووٹنگ میں حصہ نہ لینے کا فیصلہ کیا تھا۔ ترجمان نے بتایا کہ یہ اقدام سینیٹ میں جے یو آئی کے پارلیمانی لیڈر مولانا عطاءالرحمان اور صوبائی امیر بلوچستان مولانا عبد الواسع کی سفارش پر کیا گیا۔
مرکزی قیادت نے سینیٹر احمد خان کو فوری طور پر سینیٹ کی نشست سے مستعفی ہونے کی ہدایت کی ہے، بصورتِ دیگر ان کی نااہلی کے لیے الیکشن کمیشن سے رجوع کیا جائے گا۔
خیال رہے کہ سینیٹ نے حال ہی میں 27ویں آئینی ترمیم کی منظوری دی، جس کے حق میں 64 ارکان نے ووٹ دیا، جبکہ مخالفت میں کوئی ووٹ نہیں آیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔