اسلام آباد: نیشنل سائبر کرائم انویسٹی گیشن ایجنسی
نے یوٹیوبر رجب بٹ کے خلاف جوا اور سٹے بازی سے متعلق ایپس کی تشہیر پر مقدمہ درج کر لیا ہے۔
ایجنسی کے مطابق رجب بٹ پر الزام ہے کہ انہوں نے سوشل میڈیا پر ویڈیوز اور اشتہارات کے ذریعے عوام کو ان ایپس میں سرمایہ کاری پر اکسایا، جس سے شہریوں کو مالی نقصان ہوا۔ ایف آئی آر میں کہا گیا ہے کہ رجب بٹ ایک معروف بیٹنگ ایپ کے برانڈ ایمبیسیڈر بھی رہے ہیں۔
حکام کے مطابق ملزم کو بارہا نوٹس بھیجے گئے مگر وہ انکوائری کے لیے پیش نہیں ہوئے، جس کے بعد قانونی کارروائی عمل میں لائی گئی۔
ادارے نے مزید دو یوٹیوبرز، انس علی اور ہریرا کے خلاف بھی اسی نوعیت کے مقدمات درج کر لیے ہیں، جو مبینہ طور پر آن لائن جوئے کو فروغ دے رہے تھے۔
این سی سی آئی اے کا کہنا ہے کہ ایسے عناصر کے خلاف کارروائیاں جاری رہیں گی تاکہ عوام کو مالی دھوکہ دہی اور غیر قانونی سرگرمیوں سے بچایا جا سکے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔