یورپ میں نام نہاد مسلم ریاست کا اعلان ، سازش یا کچھ اور ؟

ہاٹ لائن نیوز : یورپی ملک البانیہ کے دارالحکومت تیرانہ سے تعلق رکھنے والے ایک عالم دین نے ایک نیا ملک بنانے کی منصوبہ بندی شروع کر دی ہے، جسے دنیا کا سب سے چھوٹا مسلم ملک کہا جائے گا۔

ایک مذہبی رہنما البانیہ کے دارالحکومت تیرانہ میں ویٹیکن طرز کی ایک منفرد مسلم ریاست قائم کرنے کا ارادہ رکھتا ہے۔

اس ملک کی قوم غیر معمولی طور پر ترقی پسند ہوگی جہاں شراب نوشی، خواتین کے لباس کی آزادی اور طرز زندگی پر کوئی پابندی نہیں ہوگی۔اسے ایک چھوٹا، آزاد ملک تصور کیا جائے گا جہاں مسلمان سخت قوانین کے بغیر اپنے عقیدے پر عمل کر سکتے ہیں۔

اس حوالے سے البانوی وزیر اعظم ایڈی راما نے کہا کہ وہ نئی ریاست کے ذریعے اسلام کی پرامن اور قبول کرنے والی شکل کو فروغ دینا چاہتے ہیں۔ ان کا ماننا ہے کہ مذہبی رواداری ایک قیمتی اثاثہ ہے جس کی البانیہ کو قدر کرنی چاہیے اور اسے کبھی کم نہیں سمجھنا چاہیے۔