ہم کسی بھی فوجی آپریشن کی حمایت نہیں کرسکتے,امیر جماعت اسلامی

او سی

امیر جماعت اسلامی نے کہاہے کہ موجودہ حکومت کو لانے والے بھی پھنسے ہوئے ہیں۔ جہاں پر بنیادی انسانی حقوق کی پامالی ہو ایسی جمہوریت کا کیا فائدہ ؟ الیکشن کمیشن سے پوچھنا چاہتا ہوں کہ آپکی جو پسندیدہ پارٹی ہے کیا اس میں جمہوریت ہے ؟ وزیراعظم تو یہ فخر کرتے ہیں کہ ہم نے آئی ایم ایف سے مل کر بجٹ بنایا ہے۔ ہم کسی بھی فوجی آپریشن کی حمایت نہیں کر سکتے,,

امیر جماعت اسلامی حافظ نعیم الرحمن نے لاہور ہائیکورٹ میں بڑھتی لاقانونیت اور انسانی حقوق کے موضوع پر خطاب کیا۔ امیر جماعت اسلامی نے کہا کہ جب اپنی مرضی کی حکومت بنائی جائے گی تو پھر ایسا ہی ہوگا جو ہو رہا ہے۔ ملکی الیکشن میں فارم 45 سامنے آتا ہے اور ووٹ کسی اور کا نکلتا ہے۔ جہاں پر بنیادی انسانی حقوق کی پامالی ہو ایسی جمہوریت کا کیا فائدہ ؟ الیکشن کمیشن سے پوچھنا چاہتا ہوں کہ آپکی جو پسندیدہ پارٹی ہے کیا اس میں جمہوریت ہے ؟

اس ملک کی اشرافیہ نے نوجوانوں کے ساتھ کیا سلوک کیا ہے انھیں مایوس کر دیا گیا ہے۔ بجٹ نے رہی سہی کسر بھی پوری کر دی گئی۔ ہم کسی بھی فوجی آپریشن کی حمایت نہیں کر سکتے۔ جتنے بھی پہلے فوجی آپریشن ہوئے ہیں اس سے کیا فوج کو عزت مل گئی ہے ؟ ان فوجی آپریشن سے کیا کسی صوبے کو عزت ملی ؟ فوجی آپریشن سے جوانوں کی عزت میں اضافہ نہیں ہوتا بلکہ انکی عزت میں کمی آتی ہے۔ یہ آئی ایم ایف کا بجٹ ہے، پاکستانی عوام کا نہیں۔ وزیراعظم تو فخر کرتے ہیں کہ ہم نے آئی ایم ایف سے مل کر بجٹ بنایا ہے۔ یہ غلام ہیں اور عوام کو مزید غلامی کی دلدل میں دھکیل رہے ہیں۔

امیر جماعت حافظ نعیم الرحمن نے مزید کہا کہ جب ملک سے انجینئرز ، ڈاکٹرز، صنعت کار باہر چلے جائینگے تو پھر ملک کس طرح ترقی کر سکتا ہے۔