ہر پاکستانی بچہ وطن کا سپاہی ہے

ہر پاکستانی بچہ وطن کا سپاہی ہے

راولپنڈی میں انسداد دہشت گردی عدالت کے باہر گفتگو کے دوران عوامی مسلم لیگ کے سربراہ شیخ رشید نے کہا ہے کہ پاکستانی قوم متحد ہے اور اپنے وطن کےہر چپے کی حفاظت کرنا جانتی ہے، وقت آنے پر یہ دنیا دیکھے گی کہ پاکستانی قوم کتنی عظیم ہے، پاکستان کے لیے جان دینے کا جذبہ ہر پاکستانی میں موجود ہے اور ہر بندہ اپنے ملک اور دین کے لیے قربانی دینے کے لیے تیار ہے۔

انہوں نے امید ظاہر کی ہے کہ حالات جنگ کی طرف نہیں جائیں گے کیونکہ اگر یہ سب ہونا ہوتا تو اب تک حالات بگڑ چکے ہوتے البتہ انہوں نے خبردار کیا ہے کہ اگر بھارت نے پاکستانی قوم کو للکارا تو ہر بچہ اور ہر فرد ملک کی حفاظت کے لیے میدان میں آئے گا۔