گورنر سندھ کا 24 دسمبرکومہاجر کلچر ڈےمنانےکااعلان

ہاٹ لائن نیوز : گورنر سندھ کامران ٹیسوری نے 24 دسمبر کو گنر ہاؤس میں مہاجر کلچر ڈے منانے کا اعلان کیا ہے۔

گورنر سندھ کامران ٹیسوری نے نیوز کانفرنس کرتے ہوئے کہا کہ گورنر ہاؤس میں 3 بار سندھی کلچر ڈے منایا گیا جب کہ ہمارے دروازے بلا تفریق سب کے لیے کھلے ہیں۔

گورنر نے اعلان کیا کہ 24 دسمبر کو گورنر ہاؤس میں مہاجر ثقافت کا دن منایا جائیگا، کراچی کے مسائل پر ہم سب کو مل کر آواز اٹھانا ہوگی۔

انہوں نے کہا کہ انہوں نے تمام فرقوں کے علماء کو اکٹھا کیا، مذہبی ہم آہنگی کا پیغام دیا اور تمام لوگوں کے ساتھ برابری کا رویہ برقرار رکھنے کی کوشش کی۔

گورنر سندھ نے کہا کہ ایسا کلچرل اسٹیج بنایا جائے گا جو پاکستان میں کبھی نہیں بنایا گیا، ایسا کلچرل اسٹیج آپ نے نہیں دیکھا ہوگا، اس پر ابھی کام ہورہا ہے، فرانس اور اٹلی کی ٹیمیں اسٹیج بنائیں گی۔

انہوں نے مزید کہا کہ ثقافتی پروگرام میں شرکت کے لیے لوگوں کی رجسٹریشن ہیلو ویب سائٹ کے ذریعے کی جائیگی اور قرعہ اندازی کے ذریعے انعامات بھی تقسیم کیے جائیں گے۔