گلگت میں گرمی نے 28 سالہ ریکارڈ توڑ دیا

گلگت میں گرمی نے 28 سالہ ریکارڈ توڑ دیا

گلگت بلتستان کے علاقوں میں گرمی نے اپنا 28 سال پرانا ریکارڈ توڑ دیا ہے، محکمہ موسمیات کا کہنا ہے کہ چلاس میں درجہ حرارت 48.5 ڈگری سینٹی گریڈ ریکارڈ ہوا ہے جبکہ اس سے پہلے 1997 میں 47.7 ڈگری ریکارڈ ہوا تھا، بونجی میں بھی درجہ حرارت 45.1 ڈگری ریکارڈ ہوا ہے۔

محکمہ موسمیات نے خبردار کیا ہے کہ شمالی علاقوں میں شدید گرمی سے گلیشیئرز پگھلنے کی رفتار میں خطرناک اضافہ ہو سکتا ہے، محکمہ موسمیات کا کہنا ہے کہ آئندہ کچھ دنوں میں ان علاقوں میں شدید سیلابی صورتحال پیدا ہو جائے گی، تمام متعلقہ اداروں کو الرٹ رہنے کی ہدایت جاری کی گئی ہیں۔