گلستانِ جوہر میں آگ بھڑک اٹھی، درجنوں جھونپڑیاں جل کر خاکستر
کراچی کے علاقے گلستانِ جوہر بلاک 10 میں جھونپڑیوں میں اچانک آگ بھڑک اٹھی جس نے دیکھتے ہی دیکھتے متعدد جھونپڑیوں کو اپنی لپیٹ میں لے لیا۔ اطلاع ملتے ہی فائر بریگیڈ کا عملہ موقع پر پہنچا اور امدادی کارروائیاں شروع کیں۔
عینی شاہدین کے مطابق بجلی کی تاروں کے ٹکرانے سے شارٹ سرکٹ ہوا جس کے باعث آگ لگی۔ ابتدائی طور پر ایک فائر ٹینڈر موقع پر پہنچا، تاہم آگ کے پھیلاؤ کے خطرے کے پیشِ نظر مزید گاڑیاں طلب کی گئیں۔ پانچ فائر فائٹرز نے دو گھنٹے کی کوشش کے بعد آگ پر قابو پایا۔
آتشزدگی کے نتیجے میں درجنوں جھونپڑیاں، خانہ بدوشوں کا سامان اور کئی موٹرسائیکلیں جل گئیں، جبکہ فائر حکام کے مطابق کچھ مویشی بھی جھلس گئے۔ خوش قسمتی سے کسی جانی نقصان کی اطلاع نہیں ملی۔
ریسکیو اداروں نے جائے وقوعہ کو کلیئر کر کے علاقے کو محفوظ قرار دے دیا۔ تحقیقات جاری ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔