گشت پر مامور پولیس نے شہری کو بچالیا
ہاٹ لائن نیوز : کراچی کے علاقے گلشن معمار عبدالکریم شاہ مزار روڈ کے قریب پولیس نے مبینہ مقابلے میں ایک ڈاکو کو ہلاک کردیا جب کہ دو ڈاکو موقع سے فرار ہوگئے۔
ترجمان ویسٹ پولیس کے مطابق تینوں ڈاکو عبدالوحید نامی شہری کو لوٹ رہے تھے کہ گشت پر مامور پولیس اہلکار وہاں پہنچے تو ڈاکوؤں نے فائرنگ شروع کردی۔
تاہم پولیس کی جوابی فائرنگ سے ایک ڈاکو موقع پر ہی ہلاک ہو گیا جبکہ 2 ساتھی موقع سے فرار ہو گئے۔ پولیس کو شبہ ہے کہ ڈاکو کے فرار ہونے والے ساتھی زخمی ہو سکتے ہیں جن کی تلاش کے لیے پولیس نے علاقے کو گھیرے میں لے کر ان کی تلاش شروع کر دی ہے۔
ہلاک ڈاکو کے قبضے سے اسلحہ، گولیاں ، مسروقہ موبائل فون اور نقدی برآمد کر لی گئی، جبکہ ہلاک ہونے والے ڈاکو کی فوری شناخت نہیں ہو سکی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔