بہاولپور کے تھانہ بغداد الجدید کی حدود میں گاؤں 13 سولنگ میں 5 افراد نے مبینہ طور پر وحشیانہ تشدد کے دوران ایک شخص کی آنکھیں نکال دیں۔
ملزمان نے گدھا گاڑی چوری کے الزام میں سفیان کوبدترین تشدد کا نشانہ بنایا۔ تشدد کےدوران ملزمان نے مبینہ طور پر نوجوان کی آنکھیں نکال دیں۔
پولیس ترجمان نے بتایا کہ نوجوان سفیان کی ایک آنکھ مکمل طور پر ضائع ہو گئی ہے جبکہ دوسری آنکھ کو شدید نقصان پہنچا ہے، اس کے جسم کے مختلف حصوں پر تشدد کے نشانات بھی ہیں۔
ڈی پی او اسد سرفراز کے حکم پر ملزم کی گرفتاری کے لیے پولیس کی ٹیم روانہ کر دی گئی جب کہ متاثرہ کو بہاول وکٹوریہ ہسپتال کے ایمرجنسی وارڈ میں داخل کرا دیا گیا۔
ترجمان نے کہا کہ اس گھناؤنے جرم کے پیچھے زمین کا تنازع ہے۔ انہوں نے پانچ ملزمان میں سے اقرار حسین نامی ایک ملزم کی گرفتاری کی بھی تصدیق کی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔