نیپال میں جاری سیاسی کشیدگی کے باعث ویمنز بلائنڈ کرکٹ ورلڈ کپ 2025 میں پاکستان کے شیڈول میچز کے انعقاد پر خدشات پیدا ہوگئے ہیں۔
پاکستان کی ٹیم نے 11 سے 25 نومبر تک کھٹمنڈو، نیپال میں اپنے میچز کھیلنے تھے، لیکن موجودہ حالات کو مدنظر رکھتے ہوئے متبادل مقامات پر غور شروع ہو گیا ہے۔
اس سلسلے میں پاکستان بلائنڈ کرکٹ کونسل کے چیئرمین اور ورلڈ بلائنڈ کرکٹ کونسل کے صدر، سید سلطان شاہ نے عالمی کونسل کا اجلاس پیر کے روز طلب کر لیا ہے۔ اجلاس میں میچز کو کسی دوسرے ملک، ممکنہ طور پر سری لنکا، منتقل کرنے سے متعلق فیصلہ کیا جائے گا۔
یاد رہے کہ ابتدائی طور پر یہ ایونٹ بھارت میں ہونا تھا، لیکن پاکستان کی جانب سے شرکت سے انکار کے بعد ایک ہائبرڈ ماڈل اپنایا گیا تھا جس کے تحت پاکستان کے میچز نیپال منتقل کیے گئے تھے۔ تاہم اب نیپال کی غیر یقینی صورتحال نے ایک بار پھر مقام کی تبدیلی کا امکان پیدا کر دیا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔