ہاٹ لائن نیوز : محکمہ پولیس بلوچستان کے تین افسران کو کرپشن اور ڈیوٹی میں غفلت برتنے پر معطل کر دیا گیا ہے جن میں ایک ڈی ایس پی اور دو اے ایس آئیز شامل ہیں۔
نوٹیفکیشن کے مطابق ضلع کیچ سے تعلق رکھنے والے ایک ڈی ایس پی چاکر خان اور دو اے ایس آئیز عبدالمجید اور خورشید احمد کو فوری طور پر معطل کرکے سینٹرل پولیس آفس رپورٹ کرنیکی ہدایت کی گئی ہے۔
محکمہ پولیس کے ذرائع کے مطابق تینوں افسران پر بدعنوانی اور فرائض میں غفلت کے الزامات ہیں اور ان کے خلاف محکمانہ انکوائری کا حکم دیا گیا ہے۔
کمیٹی تحقیقات کے بعد رپورٹ آئی جی پولیس بلوچستان عبدالخالق شیخ کو پیش کرے گی جب کہ نوٹیفکیشن میں یہ بھی کہا گیا ہے کہ ان تینوں معطل افسران پر آئندہ تین سال کے لیے مکران ڈویژن پولیس میں تعیناتی پر پابندی عائد کر دی گئی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔