کرسٹیانو رونالڈو نے ورلڈ کپ کوالیفائرز میں سب سے زیادہ گولز کا نیا ریکارڈ قائم کر دیا

کرسٹیانو رونالڈو نے ورلڈ کپ کوالیفائرز میں سب سے زیادہ گولز کا نیا ریکارڈ قائم کر دیا

عالمی شہرت یافتہ پرتگالی فٹبالر کرسٹیانو رونالڈو نے ایک اور یادگار کارنامہ سرانجام دے دیا، جس سے اُن کے کیریئر میں ایک اور تاریخی ریکارڈ کا اضافہ ہو گیا۔

منگل کے روز ہونے والے فیفا ورلڈ کپ کوالیفائرز کے میچ میں، رونالڈو نے ہنگری کے خلاف دو شاندار گول اسکور کیے۔ اس کامیابی کے ساتھ وہ ورلڈ کپ کوالیفائرز کی تاریخ میں سب سے زیادہ گول کرنے والے کھلاڑی بن گئے ہیں۔

اب تک رونالڈو نے کوالیفائرز میں 50 میچز کھیل کر مجموعی طور پر 41 گول کیے ہیں، جبکہ اس سے قبل یہ ریکارڈ گوئٹے مالا کے کھلاڑی کارلوس روئیز کے پاس تھا، جنہوں نے 39 گول کیے تھے۔

میچ کے بعد رونالڈو نے سوشل میڈیا پر اپنے جذبات کا اظہار کرتے ہوئے کہا کہ قومی ٹیم کی نمائندگی اُن کے لیے ہمیشہ باعثِ فخر رہی ہے، اور وہ اس سنگِ میل تک پہنچنے پر بے حد خوش ہیں۔

یہ میچ 2-2 گول سے برابر رہا، تاہم اس کے باوجود پرتگال ورلڈ کپ کوالیفائرز کے گروپ ایف میں 10 پوائنٹس کے ساتھ سرفہرست ہے۔