کراچی جانے والا مسافر اچانک جدہ پہنچ گیا

کراچی جانے والا مسافر اچانک جدہ پہنچ گیا

لاہور ایئرپورٹ پر نجی ایئرلائن کی غفلت سے لاہور سے کراچی جانے والا ایک مسافر غلطی سے انٹرنیشنل پرواز کے ذریعے جدہ پہنچ گیا، ایئرپورٹ ذرائع کا کہنا ہے کہ لاہور سے کراچی سفر کرنے والا مسافر اچانک سعودی عرب پہنچ گیا جبکہ اس کے پاس پاسپورٹ یا ویزا وغیرہ بھی موجود نہیں تھا۔

متاثرہ مسافر نے کہا ہے کہ ایئرہوسٹس کو میں نے ٹکٹ دکھایا لیکن دو جہاز کھڑے تھے اور عملے نے بغیر چیکنگ کیے اُسے جدہ والی پرواز میں بٹھا دیا، 2 گھنٹے بعد جب اس نے تاخیر پر پوچھا تو عملہ حیران رہ گیا، ایئرپورٹ منیجر نے واقعے کو سنگین لاپرواہی قرار دیتے ہوئے پاکستان ایئرپورٹ اتھارٹی سے کارروائی کی سفارش کی ہے، سعودی حکام نے ابتدائی تفتیش کے بعد مسافر کو پاکستان واپس بھجوا دیا۔