قصور کے نواحی علاقے مائی رابو میں ڈکیتی کی واردات کے دوران مزاحمت پر قومی سطح کے کبڈی کھلاڑی جان کی بازی ہار گئے۔
پولیس کے مطابق متاثرہ شخص، ناصر پہلوان، حویلی لکھا سے اپنے گھر واپس جا رہے تھے کہ اس دوران نامعلوم مسلح افراد نے ان کی گاڑی کو نشانہ بنایا۔ فائرنگ کے نتیجے میں انہیں گولی لگی جو ان کی گردن پر لگی۔
زخمی حالت میں ناصر پہلوان کو فوری طور پر لاہور منتقل کیا جا رہا تھا، تاہم وہ زخموں کی تاب نہ لاتے ہوئے راستے میں ہی چل بسے۔ پولیس کے مطابق وہ تین بچوں کے والد تھے۔
واقعے کے بعد ناصر پہلوان کی میت کو قانونی کارروائی کے لیے اسپتال منتقل کر دیا گیا ہے۔ پولیس نے مقدمہ درج کر کے تفتیش کا آغاز کر دیا ہے، جبکہ ملزمان کی تلاش جاری ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔