چینی شہری بال کھانے لگے؟ انٹرنیٹ پر ہلچل

ہاٹ لائن نیوز : چین کے شہر چینگڈو میں ایک عجیب و غریب اسٹریٹ فوڈ نے سوشل میڈیا پر ہلچل مچا دی ہے۔ یہ اسٹریٹ فوڈ کالے بالوں کے ایک گچھے سے ملتا جلتا ہے۔

چینی میڈیا کے مطابق اس ڈش کا نام ‘فا کائی’ ہے جسے بالوں کی سبزی بھی کہا جاتا ہے۔ یہ خشک خوراک کی ایک قسم ہے جو طویل عرصے سے چینی کھانوں کا حصہ رہی ہے۔ یہ چین میں خشک صحرائی علاقوں میں اگتا ہے اور چننے کے فوراً بعد خشک ہو جاتا ہے۔ یہ اپنی سیاہ شکل کی وجہ سے بالوں کی طرح لگتا ہے۔

حالیہ دنوں میں چین کے شہر چینگڈو میں کچھ اسٹریٹ فوڈ فروشوں نے اسے باربی کیو اسٹائل میں متعارف کرایا ہے جس میں یہ بالوں کی طرح نظر آتا ہے اور اسے گرم چٹنی کے ساتھ کھایا جاتا ہے۔