چور کو ٹانگ سے پکڑنے والا پولیس کانسٹیبل سوشل میڈیا پر وائرل
ہاٹ لائن نیوز: بھارتی شہر بنگلورو میں ٹریفک پولیس اہلکار نے بہادری کا مظاہرہ کرتے ہوئے اسکوٹر پر فرار ہونے والے چور کو پکڑ لیا۔
میڈیا رپورٹ کے مطابق بنگلورو پولیس کے ایک کانسٹیبل نے 40 مقدمات میں ملوث چور کو پکڑنے کے لیے اپنی جان خطرے میں ڈال دی۔
رپورٹ کے مطابق چور کی شناخت 40 سالہ منجیش کے طور پر ہوئی ہے جس کا تعلق بنگلورو کے ہیسرا گھٹہ علاقہ سے ہے۔ پولیس کئی ماہ سے ملزم کی تلاش میں تھی۔ ٹریفک پولیس نے خفیہ اطلاع کی مدد سے ٹریفک سگنل کے قریب چور کو پکڑ لیا۔
ویڈیو فوٹیج میں دیکھا جا سکتا ہے کہ ملزم اپنے اسکوٹر پر کانسٹیبل کی گرفت سے فرار ہونے کی کوشش کرتا ہے لیکن کانسٹیبل چور کی ایک ٹانگ سے چمٹ جاتا ہے اور اسکا کھیل وہیں ختم کر دیتا ہے۔
رپورٹ میں بتایا گیا کہ پولیس کو مطلوب چور کے خلاف شہر کے کئی تھانوں میں متعدد مقدمات درج ہیں۔ ایک ماہ کی کارروائی کے بعد ملزم کو گرفتار کر کے اب پولیس کی تحویل میں ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔