اسلام آباد میں 27ویں آئینی ترمیم سینیٹ کی قائمہ کمیٹی میں پیش کیے جانے کے بعد پاکستان تحریک انصاف (پی ٹی آئی) کے سینیٹرز نے اس ترمیم پر سخت ردعمل دیتے ہوئے اسے آئین کو مسخ کرنے اور دفن کرنے کے مترادف قرار دیا۔
پی ٹی آئی رہنما حامد خان نے کہا کہ “26ویں آئینی ترمیم آئین کی موت تھی، جب کہ 27ویں ترمیم آئین کو دفن کرنے کی کوشش ہے۔ جنہوں نے اس کی حمایت کی، وہ تاریخ میں اس فیصلے کا کوئی جواز نہیں دے سکیں گے۔” ان کے مطابق اس ترمیم سے عدالتی نظام بری طرح متاثر ہوگا۔
سینیٹر زرقا سہروردی نے مؤقف اختیار کیا کہ “صدر اور وزیراعظم کو بھی قابلِ احتساب ہونا چاہیے، مگر عدلیہ کے اختیارات چھیننا خطرناک قدم ہے۔”
سینیٹر اعظم سواتی نے ترمیم کو “کالا بل” قرار دیتے ہوئے کہا کہ “یہ قانون عدلیہ کی آزادی کے لیے سنگین خطرہ ہے، ایک دن سب کو احساس ہوگا کہ بہت بڑی غلطی کی گئی۔”
سینیٹر نورالحق قادری کا کہنا تھا کہ حکومت جعلی اکثریت کے ذریعے اتنے بڑے فیصلے کرنے جا رہی ہے، جب کہ فیصل جاوید نے کہا کہ “17 سیٹوں والی حکومت ملک نہیں چلا سکتی۔”
سینیٹر محسن عزیز نے زور دیا کہ حکومت اس اہم معاملے پر عجلت سے گریز کرے اور اپوزیشن کی تجاویز کو بھی شامل کیا جائے تاکہ بہتر اور متفقہ ترامیم سامنے آسکیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔