ہاٹ لائن نیوز : لاہور ہائی کورٹ نے پاکستان تحریک انصاف کے رہنما اور رکن آزاد کشمیر اسمبلی غلام محی الدین کی نظر بندی کو کالعدم قرار دیتے ہوئے انکی رہائی کا حکم دے دیا۔
لاہور ہائیکورٹ کے جسٹس اسجد جاوید گھرال نے غلام محی الدین کی اہلیہ صبا دیوان کی درخواست پر سماعت کی۔ درخواست گزار کیجانب سے بیرسٹر میاں علی اشفاق اور معروف وکیل رانا عدالت میں پیش ہوئے۔
دوران سماعت لاہور ہائیکورٹ نے پنجاب حکومت کے جواب پر برہمی کا اظہار کیا۔
پنجاب حکومت کے وکیل نے کہا کہ ہم نے درخواست گزار کی درخواست پیر کیلیے مقرر کر دی ہے، اس پر عدالت نے استفسار کیا کہ آپکے پاس نظر بندی کے جواز کے طور پر کیا مواد ہے؟
بعد ازاں لاہور ہائی کورٹ نے تحریک انصاف کے رکن آزاد کشمیر اسمبلی غلام محی الدین کی نظر بندی کالعدم قرار دیتے ہوئے انکی فوری رہائی کا حکم دے دیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔