پی ٹی آئی رہنمانے مسلم لیگ ن میں شمولیت کا اعلان کر دیا

آزاد کشمیر میں پاکستان تحریک انصاف (پی ٹی آئی) کے ایک اور رہنما سردار میر اکبر نے پارٹی چھوڑ کر مسلم لیگ ن میں شامل ہونے کا اعلان کیا ہے۔

وفاقی وزیر انجینئر امیر مقام اور آزاد کشمیر کے مسلم لیگ ن کے دیگر رہنماؤں کے ہمراہ پریس کانفرنس میں سردار میر اکبر، جو حلقہ شرقی باغ سے رکن اسمبلی ہیں، نے پارٹی میں شمولیت کا اعلان کیا۔

اس موقع پر آزاد کشمیر میں مسلم لیگ ن کے صدر شاہ غلام قادر نے کہا کہ پارٹی اپنے سابق ارکان کو دوبارہ ساتھ لا رہی ہے، کچھ رہنما مختلف وجوہات کی بنیاد پر پارٹی چھوڑ گئے تھے، لیکن انہیں واپس لایا جا رہا ہے۔ انہوں نے سردار میر اکبر کو پارٹی میں خوش آمدید کہا۔