پھل اور سبزیاں محفوظ کرنے کا طریقہ

پھل اور سبزیاں محفوظ کرنے کا طریقہ

گھریلو خواتین پھل اور سبزیوں کو زیادہ دیر تک تازہ اور محفوظ رکھنے کے لیے کھلی ہوا یا فریج میں رکھتی ہیں لیکن یہ عمل دیرپا اور صحت مند نہیں ہوتا، بلوچستان میں خواتین پھل اور سبزیوں کو بغیر کسی کیمیکل کے خشک کرنے کے لیے ایسے طریقے پر عمل کرتی ہیں جس سے ان کو کافی دن تک نہ صرف استعمال کیا جا سکتا ہے بلکہ ان کی غذائیت بھی برقرار ہی رہتی ہے، پھل اور سبزیوں کو ضائع ہونے سے بچانے کے لیے کوئٹہ کی خواتین کو سورج کی روشنی کے ذریعے انہیں ایک خاص طریقے سے خشک کرنے کا طریقہ سکھایا جاتا ہے جس کو سیکھنے کے بعد یہ خواتین اپنا کاروبار بھی کرتی ہیں۔

ان کو قدرتی طریقے سے کاٹ کر اور چھیل کر دھوپ میں سُکھانے سے ایک تو یہ ضائع نہیں ہوتے اور یہ صحت کے لیے بھی مفید ہوتے ہیں، ان پھل اور سبزیوں کو کچھ دن 1 خاص درجہ حرارت تک سکھایا جاتا ہے اس کے بعد ایک ٹیسٹر کی مدد سے معائنہ کر کے سورج کی روشنی سے ہٹایا جاتا ہے اور سائے میں رکھ دیا جاتا ہے تاکہ اس میں موجود غذائیت موجود رہے، اس کے بعد ان اشیاء کو پلاسٹک بیگس میں  محفوظ کر کے بازار میں  فروخت کیا جاتا ہے۔