ہاٹ لائن نیوز : سندھ کے علاقے گھوٹکی میں ایک درجن سے زائد ڈاکوؤں نے پولیس چوکی پر حملہ کردیا جس کے نتیجے میں 2 پولیس اہلکار شہید ہوگئے۔
تفصیلات کے مطابق سندھ کے علاقے گھوٹکی کچے کے تھانہ اندل سندرانی کے سیکیورٹی بلاک پر رات گئے ڈاکوؤں نے جدید ہتھیاروں سے پولیس چوکی پر حملہ کردیا، فائرنگ سے 2 اہلکار شہید ہوگئے۔
پولیس کے مطابق ایک درجن سے زائد ڈاکوؤں نے حملہ کیا، شہید اہلکاروں میں ظہیر تھیم اور قادر مہر شامل ہیں۔
ایس ایس پی گھوٹکی سمیر نور چنا کے مطابق پولیس نے بھرپور جوابی کارروائی کی، جس میں ڈاکوؤں کے زخمی ہونے کی اطلاعات ہیں، پولیس کی بھاری نفری طلب کر لی گئی ہے، جب کہ زخمی ڈاکوؤں کا تعاقب جاری ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔