کراچی میں پولیس کی جانب سے منشیات کے خلاف کارروائی ایک نئے تنازع کا شکار ہو گئی ہے۔ ذرائع کے مطابق پولیس نے 28 کروڑ روپے مالیت کی منشیات برآمد کرنے کا دعویٰ کیا، تاہم بعد ازاں یہ انکشاف سامنے آیا کہ یہ منشیات مبینہ طور پر صرف 5 کروڑ روپے میں فروخت کر دی گئی۔
اس سلسلے میں وزیر داخلہ سندھ نے سخت برہمی کا اظہار کرتے ہوئے واقعے کی فوری تحقیقات کا حکم دے دیا ہے۔ ذرائع نے بتایا کہ کراچی پولیس کی اسپیشل انویسٹی گیشن یونٹ (ایس آئی یو) کے اہلکاروں پر الزام ہے کہ انہوں نے برآمد شدہ منشیات کو منشیات فروشوں کے حوالے کر دیا۔
ابتدائی تحقیقات کے مطابق سب انسپکٹر اعجاز بٹ اور کانسٹیبل رحمت پر 508 کلو چرس اور آئس منشیات کی فروخت کے الزامات ہیں۔ واقعے کے بعد وزیر داخلہ سندھ نے کارروائی کرتے ہوئے ڈی ایس پی واصف قریشی اور سب انسپکٹر اعجاز بٹ کو معطل کر دیا۔
ڈی آئی جی عرفان بلوچ کی سربراہی میں ایک تحقیقاتی کمیٹی قائم کر دی گئی ہے جو معاملے کی مکمل جانچ کرے گی۔ حکام کے مطابق تحقیقات کے دوران دیگر پولیس افسران اور اہلکاروں کے خلاف بھی کارروائی کا امکان موجود ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔