پنجگور میں فائرنگ کا واقعہ، رکن اسمبلی کے بھائی جاں بحق
بلوچستان کے ضلع پنجگور میں فائرنگ کے ایک افسوسناک واقعے میں رکن بلوچستان اسمبلی کے بھائی جاں بحق ہو گئے۔ واقعہ پنجگور کے علاقے چتکان میں پیش آیا جہاں نامعلوم افراد نے گھر کے قریب فائرنگ کی۔
پولیس حکام کے مطابق مقتول کی شناخت ولید صالح بلوچ کے نام سے ہوئی ہے۔ وہ نیشنل پارٹی کے رہنما حاجی صالح محمد کے بیٹے اور پنجگور کے ڈسٹرکٹ چیئرمین مالک صالح بلوچ کے بھائی تھے، جبکہ بلوچستان اسمبلی کے رکن رحمت صالح بلوچ کے چھوٹے بھائی تھے۔
واقعے کے بعد قانون نافذ کرنے والے اداروں نے علاقے کو گھیرے میں لے کر تحقیقات شروع کر دی ہیں۔ وزیر اعلیٰ بلوچستان سرفراز بگٹی نے واقعے کا نوٹس لیتے ہوئے متعلقہ حکام سے رپورٹ طلب کر لی ہے اور ملزمان کی فوری گرفتاری کی ہدایت کی ہے۔
پولیس نے واقعے کی تفتیش کا آغاز کر دیا ہے اور مختلف زاویوں سے معاملے کا جائزہ لیا جا رہا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔