پنجاب میں 106 گانوں پر تھیٹر پرفارمنس کے لیے پابندی عائد

پنجاب میں اسٹیج ڈراموں میں پیش کیے جانے والے 106 پنجابی گانوں پر پابندی عائد کر دی گئی ہے۔ اس اقدام کا مقصد تھیٹر کو زیادہ معیاری اور فیملی فرینڈلی تفریح کا ذریعہ بنانا بتایا گیا ہے۔
پنجاب آرٹس کونسل اور محکمہ اطلاعات و ثقافت کے حکام کے مطابق، جن گانوں پر پابندی عائد کی گئی ہے، ان کی فہرست تمام تھیٹرز کو بھیج دی گئی ہے۔ اسٹیج مانیٹرنگ ٹیم کو ہدایت کی گئی ہے کہ یہ گانے ڈراموں میں پیش نہ کیے جائیں اور ان کے لیے اجازت یا سنسر نہ جاری کیا جائے۔
سرکاری بیان میں کہا گیا ہے کہ اس فیصلے کا مقصد تھیٹر کے معیار کو بہتر بنانا اور ناظرین کے لیے مہذب اور معیاری تفریح فراہم کرنا ہے۔