لاہور: پنجاب کے تین اضلاع میں شہریوں کے لیے اہم ریکارڈ کی ڈیجیٹل رجسٹریشن کا نیا سلسلہ شروع کر دیا گیا ہے۔ اب پیدائش، نکاح، طلاق اور وفات کی رجسٹریشن نادرا کی پاک آئی ڈی موبائل ایپ کے ذریعے کی جاسکے گی۔
لوکل گورنمنٹ پنجاب اور نادرا کے درمیان ای رجسٹریشن سے متعلق معاہدہ طے پا گیا ہے، جس پر سیکرٹری لوکل گورنمنٹ اور نادرا پنجاب کے ڈائریکٹر جنرل نے دستخط کیے۔
ابتدائی مرحلے میں یہ سہولت جہلم، چکوال اور ننکانہ صاحب میں فراہم کی گئی ہے، جبکہ آئندہ مرحلے میں اسے پنجاب بھر کی یونین کونسلز تک توسیع دینے کا منصوبہ ہے۔
سیکرٹری لوکل گورنمنٹ شکیل احمد کے مطابق شہری سہولت کو بڑھانے کے لیے پاک آئی ڈی ایپ میں مزید خدمات شامل کی جارہی ہیں۔ ڈی جی نادرا پنجاب فضا شاہد نے بتایا کہ نئے نظام کے ذریعے لوگ گھر بیٹھے اہم ریکارڈ کی رجسٹریشن باآسانی کر سکیں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔