ایٹلس ہونڈا نے ہونڈا سی ڈی 70 کے صارفین کے لیے ایکسچینج سہولت متعارف کرائی ہے، جس کے تحت پرانی موٹر سائیکل دے کر نئی سی ڈی 70 خریدی جا سکتی ہے۔
اس اسکیم سے فائدہ اٹھانے کے لیے صارف کو اپنی پرانی سی ڈی 70 ایٹلس ہونڈا کے مجاز تھری ایس ڈیلر کے پاس لے جانا ہوگا۔ ڈیلرشپ کی تکنیکی ٹیم موٹر سائیکل کے انجن، فریم، مکینیکل حالت اور مجموعی ظاہری حالت کا جائزہ لے کر اس کی قیمت مقرر کرے گی۔
طے شدہ قیمت کو نئی موٹر سائیکل کی قیمت میں ایڈجسٹ کیا جائے گا، جبکہ خریدار کو صرف باقی رقم ادا کرنا ہوگی۔
رپورٹ کے مطابق نئی ہونڈا سی ڈی 70 کی قیمت 159,900 روپے ہے، تاہم پرانی موٹر سائیکل کی قیمت مقرر نہیں بلکہ اس کے ماڈل، حالت اور دیگر عوامل کی بنیاد پر طے کی جائے گی۔
صارفین اپنے قریبی مجاز ایٹلس ہونڈا ڈیلر سے رابطہ کرکے ایکسچینج پروگرام کی دستیابی، شرائط اور اپنی موٹر سائیکل کی قیمت سے متعلق معلومات حاصل کرسکتے ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔