ہاٹ لائن نیوز : لاہور ہائیکورٹ نے محکمہ سکول ایجوکیشن کو پرائیویٹ سکولز کی نئے سرے سے رجسٹریشن کرنے کی ہدایت کردی ۔
عدالت نے پرائیویٹ سکولز کو بچوں کے لیے بسیں خریدنے کی ہدایت کردی ۔
فیصلے میں کہا گیا ہے کہ پرائیویٹ سکولز پچاس فیصد بچے گھر سے سکول ان بسوں پر سفر کرنے کو یقینی بنائیں گے ، عدالت نے دو سال قبل محکمہ سکول ایجوکیشن کو پرائیویٹ سکولز کے بچوں کے لیے بسیں خریدنے کا حکم دیا ، محکمہ سکول ایجوکیشن نے اس حکم پر عملدرآمد نہیں کروایا ۔
عدالت نے اسلام آباد لاہور موٹروے پر کھجور کے درخت لگانے سے بھی روک دیا ۔عدالت نے موٹروے ،محکمہ جنگلات ،پی ایچ اے ،نیشنل ہائی وے اور ہاؤسنگ سوسائٹیز کو ہدایات جاری کیں ۔
تحریری حکم کے مطابق جوڈیشل ممبر کے مطابق چھتوں پر پودے لگانے کی مہم شروع ہوچکی ہے ، کالجز کی چھتوں پر پودے اور گارڈن بنائے جارہے ہیں ، عدالت نے جوہر ٹاؤن کے علاقے میں محکمہ ایل ڈبلیو ایم سی کو صفائی ستھرائی کے احکامات بھی جاری کیے ۔
تحریری حکم میں مزید کہا گیا ہے کہ ایکسپو سینٹر کے گرد صفائی ستھرائی کے بعد پودے لگائیں جائیں ۔
جسٹس شاہدکریم نےاسموگ کے تدارک کےلیے دائر درخواستوں پر سماعت کا تحریری حکم جاری کیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔