اسلام آباد: پاک فوج کے سربراہ فیلڈ مارشل سید عاصم منیر نے سعودی عرب کے وزیر دفاع شہزادہ خالد بن سلمان سے ملاقات کی۔ اس موقع پر خطے کی سلامتی، دفاعی تعاون اور دوطرفہ اسٹریٹجک شراکت داری پر تفصیلی بات چیت کی گئی۔
ملاقات کے دوران پاکستان اور سعودی عرب کے تاریخی اور برادرانہ تعلقات کی بھی تصدیق کی گئی۔ سعودی قیادت نے فیلڈ مارشل عاصم منیر کو اعلیٰ ترین قومی اعزاز، کنگ عبدالعزیز میڈل آف ایکسیلنٹ کلاس سے نوازا۔ یہ اعزاز دفاعی تعاون کے فروغ اور خطے میں امن و استحکام میں ان کی خدمات کے اعتراف میں دیا گیا۔
سعودی قیادت نے فیلڈ مارشل عاصم منیر کی پیشہ ورانہ مہارت، عسکری تجربہ اور اسٹریٹجک وژن کو سراہا اور دونوں ممالک کے درمیان دفاعی تعاون کو مزید مضبوط کرنے کا عزم ظاہر کیا۔
فیلڈ مارشل عاصم منیر نے اس اعزاز پر سعودی قیادت کا شکریہ ادا کیا اور پاکستان کی جانب سے سعودی عرب کی سلامتی، خوشحالی اور استحکام کے لیے تعاون جاری رکھنے کا اعادہ کیا۔
آئی ایس پی آر کے مطابق یہ اعزاز پاکستان اور سعودی عرب کے درمیان اسٹریٹجک تعلقات کی مضبوطی اور برادرانہ روابط کی عکاسی کرتا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔