پاکستان کا واحد سائبیرین ٹائیگر آخری یام میں

پاکستان کا واحد سائبیرین ٹائیگر آخری یام میں

پاکستان کا سب خوبصورت اور واحد سائیبرین ٹائیگر اپنی زندگی کے آخری ایام وائلڈ لائف پارک مری میں گزار رہا ہے، اس کو 17 سال قبل سائیبریا سے پاکستان لایا گیا تھا، محکمہ وائلڈ لائف مری کے اسسٹنٹ ڈائریکٹر ابرار چوہدری نے بتایا کہ غذا میں ہم اسے بکرے گائے اور مرغی کا گوشت دیتے ہیں۔ ہماری کوشش ہوتی ہے کہ اسے بغیر ہڈی کا گوشت دیں کیونکہ یہ اپنی عمر پوری کرچکا ہے۔

انہوں نے کہا کہ یہ اپنے بڑھاپے کی زندگی گزار رہا ہے اور برفباری کے موسم میں جہاں دیگر جانور پریشان ہوتے ہیں یہ اس موسم کو بہت انجوائے کرتا ہے، ہم اس کی صحت کا بہت خیال رکھتے ہیں۔ اپنے شاہانہ انداز سے گھومتا پھرتا دیکھنے والوں کو ایسا محسوس ہوتا ہے جیسے کسی فلم کا منظر ہو، ملک بھر سے مری آنے والے سیاح اس ٹائیگر کے جاہ و جلال کو دیکھ کر اس کے فین ہوجاتے ہیں۔