حکومت پاکستان نے ملک میں ڈرون اڑانے پر پابندی عائد کر دی ہے۔ وزارت داخلہ کے مطابق اب نہ تو کمرشل اور نہ ہی پرائیویٹ ڈرونز اڑائے جا سکتے ہیں۔
اسلام آباد کے ضلعی مجسٹریٹ کی جانب سے جاری نوٹیفکیشن میں کہا گیا ہے کہ ڈرونز کے استعمال پر پابندی سکیورٹی خدشات کے پیش نظر لگائی گئی ہے اور خلاف ورزی کرنے والوں کے خلاف سخت قانونی کارروائی کی جائے گی۔
خیبر پختونخوا حکومت نے مشکوک ڈرون یا دیگر آلات کی برآمدگی کے دوران علاقے کو گھیرے میں لینے کی ہدایت کی ہے، اور صرف بم ڈسپوزل یونٹ یا تربیت یافتہ عملہ مشکوک مواد کو ہینڈل کرے گا۔
بلوچستان حکومت نے بھی امن و امان کے خدشات کی وجہ سے ڈرون کے استعمال پر پابندی کا فیصلہ کیا ہے۔
اسی طرح، ڈیرہ غازی خان اور وادی نیلم میں بھی سکیورٹی خدشات کے باعث ڈرون کیمروں کے استعمال پر پابندی اور دفعہ 144 نافذ کر دی گئی ہے۔ خیبر پختونخوا کے ضلع باجوڑ میں ایک ماہ کے لیے موٹر سائیکل کی ڈبل سواری پر بھی پابندی عائد کر دی گئی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔