پاکستان میں پہلی بار ایک خاتون کے عطیہ کردہ قارنیہ کی کامیاب پیوند کاری سے دو فوجی جوانوں کی بینائی واپس آ گئی۔ آرمڈ فورسز انسٹی ٹیوٹ آف اوفتھامولوجی راولپنڈی میں کیے گئے اس کامیاب آپریشن کے دوران 30 سالہ سپاہی علی اللہ اور 26 سالہ سپاہی فلک شیر کی آنکھوں میں قارنیہ کی پیوند کاری کی گئی۔ دونوں جوان دہشتگردی کے خلاف آپریشنز کے دوران بینائی سے محروم ہو گئے تھے۔
عطیہ کیا گیا قارنیہ میجر جنرل (ر) ظفر مہدی عسکری کی مرحوم اہلیہ کی وصیت کے مطابق AFIO کو فراہم کیا گیا تھا۔ ان کی بیٹی زہرا مہدی نے کہا کہ انہیں فخر ہے کہ ان کی والدہ کا عطیہ دو بہادر سپاہیوں کی زندگیوں میں روشنی کا سبب بنا، اور یہ عمل ان کے لیے صدقہ جاریہ ہے۔
یہ کامیاب ٹرانسپلانٹ نہ صرف پاکستانی طبی تاریخ میں ایک اہم سنگ میل ہے بلکہ اعضاء کے عطیات کی اہمیت کو اجاگر کرنے کے لیے ایک مثبت مثال بھی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔