پاکستانی پاسپورٹ میں بڑی تبدیلی کا فیصلہ

پاکستانی پاسپورٹ میں بڑی تبدیلی کا فیصلہ

محکمہ پاسپورٹس نے پاکستانی پاسپورٹ میں اہم تبدیلی کا فیصلہ کیا ہے، نئے جاری ہونے والے پاسپورٹس میں والد کے ساتھ والدہ کا نام بھی لکھا جائے گا، یہ سماجی ضروریات اور عالمی معیار کو مدنظر رکھتے ہوئے لیا گیا ہے،
ڈی۔ جی۔ امیگریشن اینڈ پاسپورٹ مصطفیٰ جمال نے اس پیشرفت کی تصدیق کی۔

انہوں نے کہا کہ اس کا مقصد نہ صرف یہ کہ عالمی تقاضے پورے کرنا ہے بلکہ شہریوں کو آسانی بھی فراہم کرنا ہے جن کو موجودہ نظام میں مشکلات ہیں، انہوں نے کہا کہ ترقی یافتہ ممالک میں پہلے ہی والدہ کا نام دستاویزات میں شامل ہوتا ہے، اس سے شہریوں کو بین الاقوامی طور پر بھی سہولت مل جاتی ہے۔