بین الاقوامی خلائی اسٹیشن (ISS) پر خلا بازوں نے ایک دلچسپ سائنسی سرگرمی کے دوران فٹبال کے رویے کا مطالعہ کیا، جس میں کششِ ثقل کے بغیر ماحول میں گیند کی حرکت کو جانچا گیا۔
یہ تجربہ اسٹیشن کے کپولا ماڈیول میں کیا گیا جہاں خلا بازوں نے جدید فٹبال کو خلا میں آزادانہ تیرتے ہوئے دیکھا اور اس کے مختلف اندازِ حرکت کا مشاہدہ کیا۔
محققین نے اس تجربے میں 2026 فیفا ورلڈ کپ کے لیے تیار کردہ ایک خصوصی فٹبال کا استعمال کیا، جس کا مقصد یہ سمجھنا تھا کہ وزن اور کششِ ثقل کی عدم موجودگی میں گیند کی سمت، رفتار اور توازن کیسے تبدیل ہوتے ہیں۔
خلائی ادارے کے مطابق اس نوعیت کے تجربات پہلے بھی کیے جا چکے ہیں، جن سے یہ جاننے میں مدد ملتی ہے کہ مختلف قوتیں کھیل کے دوران گیند کی حرکت پر کس طرح اثر انداز ہوتی ہیں۔
فٹبال کے نام “ٹریونڈا” کی وضاحت کرتے ہوئے بتایا گیا ہے کہ یہ لفظ ہسپانوی زبان سے لیا گیا ہے اور اس کا مطلب “تین لہریں” ہے، جو 2026 کے عالمی کپ کی میزبانی کرنے والے تین ممالک کی علامت ہے۔
یہ خصوصی فٹبال آئندہ ورلڈ کپ کے میچز میں استعمال کی جائے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔