ٹماٹر 57 فیصد مزید مہنگا، چینی اور لہسن کی قیمتوں میں بھی اضافہ

ملک میں حالیہ ہفتے کے دوران مہنگائی کی مجموعی شرح میں معمولی اضافہ ریکارڈ کیا گیا، جس کے بعد سالانہ افراطِ زر کی شرح 3.53 فیصد تک پہنچ گئی۔ وفاقی ادارہ شماریات کی جانب سے جاری کردہ ہفتہ وار رپورٹ کے مطابق 16 ضروری اشیاء کی قیمتوں میں اضافہ، 13 میں کمی جبکہ 22 کی قیمتیں مستحکم رہیں۔

اعداد و شمار کے مطابق ایک ہفتے کے دوران ٹماٹر کی قیمت میں سب سے زیادہ 57 فیصد سے زائد اضافہ دیکھا گیا۔ اس کے علاوہ لہسن 2.61 فیصد اور چینی 2.23 فیصد مہنگی ہوئی۔ کیلے اور چائے کی قیمتوں میں بھی معمولی اضافہ ریکارڈ کیا گیا، جبکہ ڈیزل، بیف، کوکنگ آئل، ایل پی جی اور جلانے والی لکڑی کی قیمتوں میں بھی اضافہ ہوا۔

دوسری جانب پیاز کی قیمت میں 12 فیصد سے زائد اور چکن کی قیمت میں 8 فیصد سے زیادہ کمی دیکھی گئی۔ اسی طرح آلو، آٹا، انڈے اور مختلف دالیں بھی سستی ہوئیں۔