لاہور میں ٹریفک قوانین کی مبینہ خلاف ورزی کے معاملے پر ایک معروف سوشل میڈیا شخصیت کے خلاف مقدمہ درج کر لیا گیا ہے۔
پولیس حکام کے مطابق مقدمہ تھانہ ڈیفنس سی میں درج کیا گیا، جس میں لاپرواہی اور غفلت سے گاڑی چلانے سمیت دیگر الزامات شامل ہیں۔
ایف آئی آر کے مطابق ٹریفک اہلکاروں نے ایک لگژری گاڑی کو رکنے کا اشارہ کیا، تاہم ڈرائیور نے گاڑی روکنے کے بجائے آگے بڑھنے کی کوشش کی۔ رپورٹ میں دعویٰ کیا گیا ہے کہ دورانِ واقعہ ون وے ٹریفک کی خلاف ورزی بھی کی گئی۔
پولیس کا کہنا ہے کہ سرکاری فرائض میں مداخلت اور اہلکاروں کو مبینہ طور پر دھمکانے کے الزامات بھی سامنے آئے ہیں، جس کے بعد متعلقہ قانونی دفعات کے تحت مقدمہ درج کیا گیا۔
دوسری جانب لاہور ٹریفک پولیس کا کہنا ہے کہ شہر میں ٹریفک قوانین پر عملدرآمد یقینی بنانے کے لیے خصوصی مہم جاری ہے۔ حکام کے مطابق بغیر نمبر پلیٹ، “اپلائیڈ فار” اور غیر معیاری نمبر پلیٹس والی گاڑیوں کے خلاف کارروائیاں مزید سخت کی جا رہی ہیں۔
ٹریفک پولیس نے واضح کیا ہے کہ قانون کی خلاف ورزی پر بلاامتیاز کارروائی کی جائے گی اور کسی بھی شخص کے ساتھ رعایت نہیں برتی جائے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔