وہ گاؤں جہاں 500 کلو خلائی کباڑآگرا

ہاٹ لائن نیوز : خلائی ملبہ رفتہ رفتہ ایک بڑا مسئلہ بنتا جا رہا ہے اور خلائی ٹریفک کے لیے مشکلات کا باعث بن رہا ہے لیکن افریقی ملک کینیا کے ایک گاؤں پر خلائی ملبے کی بارش ہو گئی۔

جی ہاں، 30 دسمبر کو کینیا کے گاؤں موکوکو میں 500 کلوگرام خلائی ملبہ آگرا۔

کینیا کی خلائی ایجنسی کے مطابق ابتدائی تحقیقات سے پتہ چلا ہے کہ یہ راکٹ سے الگ ہونے والے حلقوں کا ملبہ ہے۔ یہ حلقے اکثر لانچ گاڑی کے 2 مراحل کے لیے استعمال ہوتے ہیں جو ایک مخصوص اونچائی پر الگ ہوتے ہیں۔

کینیا کی خلائی ایجنسی کیمطابق، ایسی اشیاء کو اکثر زمین کے ماحول میں دوبارہ داخل ہونے پر جلانے یا صحرائی علاقوں جیسے سمندروں میں گرنے کے لیے ڈیزائن کیا جاتا ہے۔

لیکن یہ معاملہ الگ ہے اور ایجنسی اسکی تحقیقات کریگی اور بین الاقوامی خلائی قانون کو مدنظر رکھتے ہوئے ایک فریم ورک ترتیب دیا جائیگا۔گاؤں پر گرنے والے سامان کی کئی تصاویر بھی سوشل میڈیا پر شیئر کی گئیں۔