اسلام آباد: وفاقی حکومت کے ابتدائی 20 مہینوں کے دوران مجموعی قرضوں میں نمایاں اضافہ سامنے آیا ہے۔ دستیاب اعداد و شمار کے مطابق اس عرصے میں وفاقی قرضوں میں مجموعی طور پر 12 ہزار 169 ارب روپے کا اضافہ ہوا۔
یہ اضافہ مارچ 2024 سے اکتوبر 2025 کے درمیان ریکارڈ کیا گیا۔ اسٹیٹ بینک آف پاکستان کی جاری کردہ دستاویزات کے مطابق اس مدت میں وفاقی حکومت کے مقامی قرضوں میں 11 ہزار 300 ارب روپے جبکہ بیرونی قرضوں میں 869 ارب روپے کا اضافہ ہوا۔
اعداد و شمار کے مطابق اکتوبر 2025 تک وفاقی حکومت کا مجموعی قرض بڑھ کر 76 ہزار 979 ارب روپے تک پہنچ گیا، جبکہ فروری 2024 میں یہ قرض 64 ہزار 810 ارب روپے تھا۔
دستاویزات میں بتایا گیا ہے کہ فروری 2024 تک مرکزی حکومت کا مقامی قرض 42 ہزار 675 ارب روپے تھا جو اکتوبر 2025 تک بڑھ کر 53 ہزار 975 ارب روپے ہو گیا۔
اسی طرح وفاقی حکومت کا بیرونی قرض فروری 2024 میں 22 ہزار 134 ارب روپے تھا، جو اکتوبر 2025 تک 23 ہزار ارب روپے سے تجاوز کر گیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔