برطانیہ ویزہ قوانین میں اہم تبدیلیاں
ہاٹ لائن نیوز : برطانیہ اس سال اپنے ویزا قوانین میں بڑی تبدیلیاں کر رہا ہے، امیگریشن قوانین 31 جنوری سے نافذ ہونے والے ہیں جس کا مقصد ملک میں کاروبار اور سیاحت کو فروغ دینا ہے۔
وزٹ ویزا کے نظرثانی شدہ قوانین کے مطابق سیاحوں کو ملک میں قیام کے دوران مشروط ملازمت اختیار کرنے کی اجازت ہے۔
یہ تبدیلیاں سیاحتی ویزے پر برطانیہ جانے والوں کو وہاں کاروباری سرگرمیوں میں مشغول ہونے کی اجازت دیں گی۔ گاہکوں کے ساتھ کام کرنے کے علاوہ، وہ وہاں رہتے ہوئے ریموٹ ورک میں مشغول ہو سکیں گے۔
ویزا گائیڈ ورلڈ کے مطابق سیاح برطانیہ سے کام کر سکیں گے لیکن ریموٹ ورک انکے برطانیہ میں قیام کی بنیادی وجہ نہیں ہوناچاہیے۔
قبل ازیں، ٹریژری سکریٹری جیریمی ہنٹ نے برنز وزیٹر ریگولیشنز میں توسیع کے لیے برطانوی کوششوں کا اعلان کیا۔
نئے امیگریشن قوانین کے تحت سائنسدانوں، محققین ، ماہرین تعلیم کو برطانیہ میں تحقیق کرنے کی اجازت ہوگی اور وزیٹر ویزے پر لیکچررز بھی اپنی خدمات کے عوض رقم وصول کرنے کے اہل ہوں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
