اسلام آباد: وزارت مذہبی امور نے حج 2026 کی فلائٹس کے التوا کی خبریں بے بنیاد قرار دے دی ہیں اور کہا ہے کہ حج کے انتظامات شیڈول کے مطابق جاری ہیں۔
وزارت کے ترجمان نے بتایا کہ عازمین حج کے ویزوں کے اجرا کا عمل تیزی سے جاری ہے اور حج پروازوں کا شیڈول عیدالفطر کے بعد جاری کیا جائے گا۔ انہوں نے عازمین حج سے درخواست کی کہ افواہوں اور غیر مصدقہ خبروں پر کان نہ دھریں۔
مزید بتایا گیا کہ رہائش اور دیگر حج انتظامات بروقت مکمل کیے جا رہے ہیں، اور حج سے متعلق مستند معلومات صرف وزارت کے سرکاری اعلانات، ویب سائٹ اور پاک حج ایپ سے حاصل کی جا سکتی ہیں۔
وزارت نے عازمین حج کے لیے نئی ہیلتھ ایڈوائزری بھی جاری کی ہے تاکہ وہ اپنی صحت اور حفاظت کے حوالے سے جدید ہدایات پر عمل کر سکیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔