اسلام آباد: نیشنل الیکٹرک پاور ریگولیٹری اتھارٹی (نیپرا) نے کے الیکٹرک کے بجلی کے نرخوں میں 7 روپے 60 پیسے فی یونٹ کمی کا فیصلہ جاری کر دیا ہے۔
یہ فیصلہ کے الیکٹرک کی مالی سال 2024 سے 2030 کے لیے جمع کرائی گئی ملٹی ایئر ٹیرف کی درخواستوں پر نظرِثانی کے بعد کیا گیا ہے۔
نیپرا کی جانب سے جاری کردہ فیصلے کے مطابق، کے الیکٹرک کا اوسط ٹیرف 39.97 روپے فی یونٹ سے کم کر کے 32.37 روپے فی یونٹ مقرر کر دیا گیا ہے۔ یہ کمی جنریشن، ٹرانسمیشن، ڈسٹری بیوشن اور سپلائی کے تمام شعبوں پر لاگو ہو گی۔
حکام کے مطابق “رائٹ آف کلیمز” سے متعلق نیپرا کا پہلے سے جاری فیصلہ برقرار رکھا گیا ہے، جس کے تحت صارفین پر تقریباً 50 ارب روپے کا بوجھ برقرار رہے گا۔
ادھر کے الیکٹرک کے ترجمان کا کہنا ہے کہ ادارہ نیپرا کے فیصلے کا تفصیلی جائزہ لے رہا ہے اور کمپنی اپنے مفادات کے تحفظ کے لیے تمام قانونی راستے اختیار کرے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔