نرگس نے تشدد کیس میں اپنےشوہر کو معاف کردیا

ہاٹ لائن نیوز: پاکستانی اداکارہ نرگس نے تشدد کیس میں اپنے شوہر ماجد بشیر کو معاف کر دیا۔

ماجد بشیر نے گزشتہ سال نومبر میں اپنی اہلیہ نرگس کو شدید تشدد کا نشانہ بنایا جس کے بعد نرگس نے تھانہ ڈیفنس سی میں تشدد کا مقدمہ درج کرایا۔ ماجد بشیر تشدد کیس میں تاحال ضمانت پر تھا۔

اداکارہ نرگس نے کہا کہ انسپکٹر ماجد بشیر کو خاندان کے بڑوں کی مداخلت پر معاف کر دیا گیا ہے، یہ شرط رکھی گئی ہے کہ تین سال تک ہم ایک دوسرے کے ساتھ نہیں رہیں گے اور نہ ہی آمنے سامنے آئیں گے۔

نرگس نے کہا کہ اگر ماجد نے معاہدے کی خلاف ورزی کی تو وہ قانونی علیحدگی اختیار کر لیں گی۔

ان کا کہنا تھا کہ میرے بچے اور گھر والے ناراض ہیں لیکن میں نے بڑوں کے کہنے پر اپنے شوہر کو معاف کر دیا ہے، اور عدالت میں صلح کا حلف نامہ بھی جمع کرایا ہے۔

انہوں نے کہا کہ میں اپنی باقی زندگی اپنے بیٹے مرتضیٰ اور بیٹی معصومہ کے لیے گزارنا چاہتی ہوں ۔