ناراض بیوی کا شوہر سے انتہائی انوکھا اور خطرناک انتقام
ہاٹ لائن نیوز : ناراض بیوی نے شوہر سے بدلہ لینے کے لیے انتہائی خطرناک قدم اٹھا لیا۔
رپورٹ کیمطابق فیصل آباد میں شوہر سے جھگڑے پر ناراض بیوی نے غصے میں گھر کے مویشیوں کو زہر دے دیا، لاکھوں روپے مالیت کی تین بھینسیں اور ایک قیمتی گائے ہلاک ہوگئی۔
پولیس کیمطابق یہ عجیب و غریب واقعہ نواحی گاؤں ماموں کانجن میں پیش آیا جہاں کے رہائشی ظفر اقبال کے 4 مویشیوں کو زہر دے کر ہلاک کر دیا گیا۔
پولیس کے مطابق ظفر اقبال نے الزام لگایا کہ اسکی بیوی نے غصے میں مویشیوں کو زہر دے دیا جس سے تین بھینسیں اور ایک گائے ہلاک ہوگئیں جنکی مالیت 12 لاکھ روپے سے زائد ہے۔
بیان میں شوہر کا مزید کہنا تھا کہ بیوی مویشی بیچ کر پہلی شادی سے بچوں کی مالی کفالت کرنا چاہتی تھی، بیوی نے رقم کے تنازعہ پر ایسا قدم اٹھایا۔
شوہر نے بتایا کہ واقعے کے بعد خاتون گھر سے نکل کر نامعلوم مقام پر چلی گئی، جسکے بعد پولیس نے خاتون کی تلاش شروع کردی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔