نادرا نے قومی شناختی کارڈ پر پتے کی تبدیلی کے لیے آسان طریقہ کار جاری کر دیا
اسلام آباد: نیشنل ڈیٹا بیس اینڈ رجسٹریشن اتھارٹی (نادرا) نے شہریوں کے لیے قومی شناختی کارڈ پر موجودہ پتہ تبدیل کرنے کا عمل مزید آسان بنا دیا ہے۔
نادرا کے ترجمان کے مطابق، شہری اب اپنے رہائشی ریکارڈ کو درست اور اپ ٹو ڈیٹ رکھنے کے لیے آسانی سے پتے کی تبدیلی کروا سکتے ہیں۔ پتا تبدیل کروانے کے لیے شہری کو رہائش کا کوئی معتبر ثبوت جمع کرانا لازمی ہوگا۔
پتے کے ثبوت کے طور پر والدین، شریکِ حیات یا اپنی ملکیت والے پتے پر بجلی، گیس یا پانی کے بل قابل قبول ہوں گے۔ اس کے علاوہ ڈومیسائل سرٹیفکیٹ، جائیداد کے کاغذات، ہاؤسنگ سوسائٹی کا الاٹمنٹ لیٹر یا مستند کرایہ نامہ بھی پیش کیا جا سکتا ہے۔
شہری اپنی مطلوبہ دستاویزات کے ساتھ ملک بھر میں کسی بھی قریبی نادرا سینٹر جا سکتے ہیں، جہاں انہیں پتے کی تبدیلی کے حوالے سے مکمل رہنمائی فراہم کی جائے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔